cinto jauah dalam hati, badan jauah bana kiniko

Inyo jauah, tapi inyo juo dek awak nyoo...




kok ka di download, ko tampeknyo..


alkawi-tacinto rang nan jauh (bujang jauh al-minangkabawi).mp3

saran dan kesan dunsanak kami nantikan
..  kinciatuo@gmail.com  ..

Tau di Nan Ampek

Kato Mandaki, basopan jo santun basuaro kabakeh nan labiah gadang, kabkeh mamak, kabakeh bundo (ayah iyo juo), kabakeh uda sarato uni

Kato Manurun, bakasiah nan jo sayang mandidik jo maajri kabakeh nan ketek baraja gadang, adiak nan kanduang ataupun tido


Kato Malereang, kieh mangieh dalam bakato, urang sumando sasarannyo

Kato Mandata, nan patuik nan ka disampaikan,kabakeh kawan samo gadang, mampa arek persahabatan.

dari berbagai sumber.


caliak di sumber aslinyo
saran dan kesan dunsanak kami nantikan
..  kinciatuo@gmail.com  ..

Takana Jo Kampuang / Kampuang nan jauah di mato

Takana jo kampuang, Induak Ayah Adiak sadonyo, raso maimbau-imbau Denai pulang, Den takana jo kampuang.

Adat Minang pusako usang

Tingga namo jo carito

Kok urang Minang suko maniru urang

Batang tarandam lah lapuak pulo

Batang sinurik tapian mandi, tapian mandi rang mudo-mudo 

Rang mudo pai nyo kini, isuak untuang ka pulang juo

Babendi di pasa sangka, babendi sambia manyulam

Rang rantau kanalah kana, kana mambangkik batang tarandam

artis minang nan manyanyiannyo

si baraik ka pulang kampuang

 saran dan kesan dunsanak kami nantikan

.. kinciatuo@gmail.com ..

bacarito jo adiak awak

sasak angok jadi temanyo, dek hati alah tapikek, tapikek indak tahu kama kabeknyo
kok urang lalu caliaklah juo, caliak usah tampak-tampak an
tampak jaleh sakiro-kiro, muko janiah hati nan suci

Adat pulai bapangkek naiek, maninggakan rueh dengan buku, manusia bapangkek turun, maninggakana adat jo pusako. Mati datuak baganti datuak, nan gala tatap bak samulo. mako adaik dipakai baru baju dipakai usang (nah nyo). hahaha galaklah stek ndak..?? :-)


kok lidah lamak gariknyo, mangieh apo nan tasirokdi dalam dado, jiko sanang sadang diraso bibia dapek mangato susah, tapi dimato jaleh bedonyo.
kok mato jaleh piciangnyo, sadiah nan indak katampak an, carito alah samo kito dangakan, nak jaleh raso kiro-kiro, susah sanang samo diraso asa adiak indak barasian, raso-raso diujuang lidah, suaro nan indak kadangara.

adiak ko rahasio-rahasio nyo. y dak,, aa..aa..??
 
Cikarau di hulu aia
Diambiak sado nan mudo
Utang lamo alun dibayia
Nan baru katibo pulo

 ko nyo ah

ado ciek lai

Luko Hati

Oi nak kanduang sibirang tulang, buah hati limpo bakuruang, ubek jariah palarai damam, sidingin tampa di kapalo, kaunduang-unduang kasarugo.

Satitiak usah lupokan, sabarih janlah hilang, ganggam arek, paciklah taguah. Siang ambiak ka patungkek, kok malam jadikan suluah, pedoman patang nan jo pagi, mapalanca jalan kasarugo.

Luko di pisau tampak darah, nak duo tigo taweh panawa, sanang nan indak tampak bakeh, tapi luko di lidah sulik ubeknyo mandanyuik ka ubun-ubun, manggaga ka rantai hati. Di lua mungkin tak bakasan, di dalam manaruah kasam. Nan bak kain dimakan nyangek, lipek patahnyo tak barubah, dikambang nyanyai tiok ragi. Bak kato-kato rang tuo kok kaki tataruang inai badahannyo, muluik jan kecek taloncek ameh tantangannyo.

Caliak nan lengkap dari siko 
Ko ciek lai 

Saketek dihari kini moga ado manfaaiknyo..